Rhwydwaith Bwyd Sir Gaerfyrddin

Mae’r rhwydwaith yn dwyn ynghyd: tyfwyr cymunedol, cynhyrchwyr bwyd proffesiynol, ysgolion, cogyddion, dosbarthwyr, banciau bwyd, prosiectau prydau bwyd poeth cymunedol a darparwyr bwyd dros ben, yn ogystal â rhanddeiliaid megis Cyngor Sir Caerfyrddin, Bwrdd Iechyd Hywel Dda a Chymdeithas Gwasanaethau Gwirfoddol Sir Gâr.

Cenhadaeth y Rhwydwaith yw datblygu grŵp cydlynus o aelodau sy’n gallu cefnogi darpariaeth fwyd gynaliadwy trwy gysylltu â’i gilydd a chysylltu â’r gymuned, trwy rannu adnoddau ac arferion gorau yn ogystal â chefnogi’r rhai sydd mewn perygl o ddioddef tlodi bwyd. Mae’r manteision posibl i’r aelodau yn cynnwys cyfleoedd rhwydweithio yn y sector, rhannu sgiliau ac adnoddau, cyfleoedd cyllido, ymweliadau safle, hyfforddiant a chefnogaeth. Mae gan y Rhwydwaith oddeutu 150 o aelodau ac mae’n dal i dyfu.

Os oes ddiddordeb gennych mewn dod yn aelod am ddim, bydd gofyn i chi lenwi ffurflen gais fer. Anfonwch neges e-bost at [email protected] ac anfonir y manylion aelodaeth atoch, a fydd yn fodd i chi ymuno â rhestr bostio Rhwydwaith Bwyd Sir Gâr a chael yr wybodaeth ddiweddaraf am gyfarfodydd, digwyddiadau, cyllid a chyrsiau.