GWEITHDY CREU LLEOEDD AM LWYBR BWYD SIR GAERFYRDDIN

Galwad i holl gynhyrchwyr bwyd cynaliadwy, caffis, bwytai a’r rhai sydd â diddordeb mewn twristiaeth a threftadaeth yn Sir Gaerfyrddin.

Hoffech chi ddylunio ‘llwybr bwyd’ Sir Gaerfyrddin ar y cyd â grwpiau cymunedol lleol ac ymarferwyr o’r sectorau preifat a chyhoeddus a’r trydydd sector?

Cynhelir y gweithdy gan Bremenda Isaf (Llanarthne, SA32 8JX) ar 14 Mai, a bydd yn cynnwys Dr Alessandro Graciotti a’r Athro Sarah Nicholls (Ysgol Reolaeth, Prifysgol Abertawe) – gyda chefnogaeth gan y Sefydliad Rheoli Lleoedd (Prifysgol Metropolitan Manceinion) – fel rhan o’u prosiect a ariennir gan Gyfrif Cyflymu Effaith y Cyngor Ymchwil Economaidd a Chymdeithasol ym Mhrifysgol Abertawe.